Kua puta te kaupapa here mō te motuhaketanga o ngā kai a Te Pāti Māori
He puna tāke kai e pupuru i te utu o te $2.8 piriona tāra hei tauāwhi i te hunga ka whakawhiwhia i te ono tekau mano tāra heke iho ia te tau, ā, mā te puna tāke nei e tauāwhi i te toru miriona tangata puta noa i a Aotearoa whānui.
Nā Hana-Rawhiti Maipi-Clarke i whakaputa i te kaupapa here mō te motuhaketanga o ngā kai i te ahiahi nei. Hei tāna, mā tēnei kaupapa here e āwhina i ngā whānau e noho pōkaikaha ana.
“Ko tēnei kaupapa here, he whāngai i tō mātou uri whakaheke. I ēnei wā tonu, e kaha kite ana i te pani, te pouaru me the rawa kore e whai ana pēwhea te kimi, ki te rapu kai,” hei tā Maipi-Clarke.
Hei tā Maipi-Clarke, ki te uru tōna pāti (Te Pāti Māori) ki rō Kāwanatanga, ka whakamana rātou i tēnei kaupapa here, ā, ka kōrero rātou ki ā rātou hoa hei kōkiri i te kaupapa here nei.
“He kōrero tahi ki ētehi o ngā partners, ētehi o ngā ohu whakahaere i roto i tēnei kaupapa i meatia mai a Matua Willie i te kaupapa here to Wai Claim Wai 262. We’ve talked multiple times with Wai 262, with He Waka Kaiora, people who really pioneer the kai sovereignty space,” hei tā Maipi-Clarke anō.
I kōrero hoki te Tumuaki Tuarua o Te Pāti Māori, a Willie Te Aho, mō te kaupapa here nei. Hei tāna, he koha te tāke kai o te kaupapa here nei mō te hunga ka whakawhiwhi i te ono tekau mano tāra heke iho ia te tau.
“Ko te take tāke. Nā reira, mō ngā tangata kei te whiwhi i te toru tekau mano heke ia te tau, ia te tau, karekau he tāke, tuatahi. I tua atu i tērā i raro i tēnei kaupapa, ka tukuna he koha me kī hei āwhina i ngā whānau e whiwhi ana i te utu ono tekau mano tāra ia te tau, ia te tau mō te waru wiki nei,” hei tā Te Aho.
Hei tā Te Aho, me ū te pāti ki te tauāwhi i ngā whānau, ā, mā tēnei kaupapa here e taunaki i ngā toa hoko maha pēnei i Te Kāpata Kai o Kirikiriroa.
“Ngā kaupapa katoa, ko te hiko, ko te tāke, ko tēnei kaupapa kai hei tauāwhi i ō tātou whānau ināia tonu nei. I tua atu i tērā, hei whakakaha i ngā kaupapa pēnei i tēnei, kei te whakahaerehia e Hera he tiaki,” hei tā Te Aho anō.
Mā tēnei kaupapa here e whakatakoto i tētehi rautaki, e āwhina rawatia i ngā whānau kei te pae o te toa hoko kai, ka mutu, ki te hanga i tētehi tūāpapa mō te motuhaketanga o ngā kai.
Te Pāti Māori MP for Hauraki-Waikato, Hana-Rawhiti Maipi-Clarke has announced Te Pāti Māori’s Kai Sovereignty Policy this afternoon at Te Kāpata Kai o Kirikiriroa.
The food policy is designed to shift Aotearoa from a state of kai dependency to kai sovereignty, targeting immediate cost of living relief while making structural investments into community led food systems and regenerative agriculture.
Within the policy, Te Pāti Māori will introduce an Income Tax Kai Credit aimed at easing household expenses for individuals earning $60,000 or less annually with the credit covering up to at least 8 weeks of food costs, providing financial support to an estimated 3 million people each year.
The policy also commits to three dedicated $100 million dollar funds.
- Community Kai Fund: Te Pāti Māori will establish a $100 million dollar Community Kai Fund for home gardens, Marae māra kai and community food farms.
- Mātai Ahuwhenua: Investing an additional $100 million dollars directed into regenerative Māori agriculture to support various land based productions.
- Seed Funding: Investing $100 million dollars into Seed Funding, supporting Māori owned supermarkets and retail alternatives.
Together, these measures outline a strategy, providing immediate relief at the supermarket counter while laying the foundation for a localised Māori led food infrastructure.